काठमाडौं । तिहारपछि खुलेको सुन बजारमा आइतबार सुनको मूल्य ११ हजार ६ सय रूपैयाँले गिरावट आएको छ ।
कात्तिक ३ गते प्रतितोला २ लाख ५३ हजार ५ सय रूपैयाँमा कारोबार भएको सुनको मूल्य आइतबार प्रतितेला २ लाख ४१ हजार ९ सय रूपैयाँमा झरेको छ ।
तिहारका कारण बजार बन्द रहेकाले आइतबार मात्रै बजार एक्कासी घटेको देखिएको हो । जबकि अन्तर्राष्ट्रिय बजारमा गत मंगलबार नै सुनको मूल्यमा १२ वर्षयताकै सबभन्दा ठूलो गिरावट आएको थियो । शनिबार र आइतबार भने अन्तर्राष्ट्रिय बजार बन्द रहन्छन् ।
चाँदी पनि तोलामा दुई सय ६५ रूपैयाँले घटेर तीन हजार १५ रूपैयाँमा कारोबार भइरहेको छ । गत कात्तिक तीन गते चाँदी तोलामा तीन हजार दुई सय ८० रूपैयाँमा कारोबार भएको थियो ।
