काठमाडौं । एएफसी यू-२३ एसियन कप छनोट खेल्न ताजिकिस्तान जाने नेपाली टोलीको विदाई गरिएको छ । नेपाली युवा टोली भोली त्यस तर्फ प्रस्थान गर्ने छ ।
अखिल नेपाल फुटबल संघ एन्फाका अध्यक्ष पंकज बिक्रम नेम्बाङ, महासचिव किरण राई, कार्यसमिति सदस्य पुरुषोत्तम थापा र प्रवक्ता सुरेश शाहले टोलीलाई विदाई गर्दै शुभकामना व्यक्त गरे ।
नेपाल एएफसी यू-२३ एसियन कप छनोट २०२६ अन्तर्गत समूह के मा छ । यस समूहमा नेपालसागै आयोजक ताजिकिस्तान, सिरिया र फिलिपिन्स रहेका छन् । प्रशिक्षक र खेलाडी सकारात्मक नतिजा ल्याउन विश्वश्त छन् ।
नेपालले मंगलबार ताजिकिस्तानविरुद्ध खेल्दै प्रतियोगिताको सुरुवात गर्ने छ । त्यसपछि भदौ २१ गते सिरिया र २४ गते फिलिपिन्सको सामना गर्ने छ । यस समूहका सबै खेलहरु पामिर स्टेडियम, दुशान्बेमा खेलिने छन् ।
छनोट प्रतियोगितामा सहभागी ४४ टोलीलाई ११ समूहमा विभाजन गरिएको छ । प्रत्येक समूहमा ४ टोली रहनेछन् । हरेक समूहको विजेता टोली र उत्कृष्ट चार उपविजेता टोली गरी जम्मा १६ टोलीले अन्तिम प्रतियोगितामा स्थान पाउने छन् । १६ टोली सहशभागी हुाने मुख्य प्रतियोगिता २०२६ मा साउदी अरेवियामा आयोजना हुाने छ । साउदीले आयोजकको रुपमा मुख्य ड्रमा स्थान बनाएको छ ।
