काठमाडौं । नेपाल उद्योग वाणिज्य महासंघका अध्यक्ष चन्द्रप्रसाद ढकालले बैंक तथा वित्तीय संस्था सम्बन्धी ऐन (बाफिया)लाई संशोधन गर्न बनेको विधेयकप्रति असन्तुष्टि जनाउनुभएको छ ।
बुधबार काठमाडौंमा आयोजित एक कार्यक्रमलाई सम्बोधन गर्दै उहाँले असन्तुष्टि प्रकट गर्नुभएको हो । कुनै बैंक वा वित्तीय संस्थाको प्रमोटरको नातेदारको कुनै एक जनाले अर्को निजी कम्पनीको १० प्रतिशत मात्र शेयर दियो भने ९० प्रतिशत अरू प्रमोटर भएको निजी कम्पनीले नै बैंक तथा वित्तीय संस्थाबाट ऋण लिन नपाउने बाफिया अहिले ड्राफ्ट भइरहेको उहाँले बताउनु भयो ।
यसले आम नागरिकबीच चर्चा कमाए पनि आत्मनिर्भर अर्थतन्त्र बनाउन सहयोग नपुग्ने उहाँले जिकिर गर्नुभयो । यसले अर्थतन्त्रका सम्पूर्ण सूचकहरूमा असर गर्ने उहाँले जिकिर गर्नुभयो । अहिले जति पनि उद्योग धन्दा, प्रतिष्ठानहरूमा नातेदार भन्दा बाहिरका मानिसहरू नरहेको उहाँकाे भनाइ छ ।
अध्यक्ष ढकालले भएका उद्योग धन्दा बन्द गर्नेतर्फ लाग्न नहुनेमा जोड दिनुभयो ।
