काठमाडौं । श्रम, रोजगार तथा सामाजिक सुरक्षामन्त्री शरतसिंह भण्डारीले श्रमीक स्वस्थ भए मुलुक स्वस्थ हुने बताउनुभएको छ ।
शुक्रबार सिंहदरबारमा प्रत्यके प्रदेशमा व्यवसायजन्य सुरक्षा तथा स्वास्थ्य क्षेत्रमा उत्कृष्ट अभ्यास गर्ने प्रतिष्ठानहरूलाई सम्मान गर्दै उहाँले यस्तो बताउनुभएको हो ।
उहाँले हरेक श्रमीकको जिम्मेवारी सरकारको भएको बताउनु भयो । उहाँले श्रमीक स्वस्थ भए प्रतिष्ठान स्वस्थ हुने र मुलुक स्वस्थ हुने जिकिर गर्नुभयो । उहाँले सबैले आफ्नो जिम्मेवारी गम्भीरतापूर्वक निर्वाह गर्नुपर्नेमा पनि जोड दिनुभयो ।
सरकार अहिले श्रम ऐन र विभिन्न ट्रेड युनियन ऐन संशोधन गर्ने प्रक्रियामा रहेको पनि उहाँले बताउनु भयो । मन्त्री भण्डारीले श्रमीकको हितलाई मध्यनजर गरी सबैको हित हुनेगरी काम गर्ने प्रतिबद्धता जनाउनु भयो ।
