अर्घाखाँची । अर्घाखाँचीको मालारानी गाउँपालिकामा सुन्तलाका दाना पहेलो भएर झर्न थालेपछि कृषकहरू चिन्तित भएका छन् ।
व्यवसायीक रूपमा सुन्तला खेतीमा लागेका उक्त गाउँपालिका वडा-२ डाडाकटेरीका कृषकहरू सुन्तलाका दाना र्झन थालेपछि चिन्तीत भएका हुन्।
झन्डै २१ घरधुरीका कृषकको सुन्तालामा एकै खाले समस्या आएको कृषक निमानन्द भुसालले बताउनु भयो । कृषि ज्ञानकेन्द्र अर्घाखाँचीलाई सुन्तलाको रोगको उपचार गरिदिन कृषकले आग्रह गरेपछि स्थलगत अवलोकनमा पुग्नुभएकी ज्ञान केन्द्र अर्घाखाँचीका प्राविधिक सारदा आचार्यले झरेका सुन्तलाको ल्याब परीक्षणका लागि नमुना लिइएको बताउनुभयो।
अर्घाखाँचीको मालारानी, पाणिनी र छत्रदेव गाउँपालिकामा व्यवसायीक रूपमा सुन्तला खेती हुँदै आएको छ।
