पाल्पा । दशैंले पाल्पाको तानसेन, रामपुरलगायत ग्रामीण बजारमा पनि उपभोक्ताको भीड बढेको छ ।
दशैंलाई आवश्यक खाद्यान्न, नयाँ कपडा, उपहारका सामग्री, दैनिक उपभोग्य सामग्री लगायत अत्यावश्यक सामान किन्नेको घुँइचो लागेको हो ।
तानसेन, रामपुर लगायतका बजारमा सामान खरिद गर्न आउनेको भीड छ। सामान खरिदबिक्री बढी हुने र दशैं पर्वलाई आवश्यक सामाग्री बजारमा पाइने भएकाले केही दिनयता तानसेन र रामपुर साथै ग्रामीण बजारमा चहलपहल बढेको रामपुर उद्योग वाणिज्य संघका अध्यक्ष भोजेन्द्र प्रकाश ढकालले जानकारी दिनुभयो ।