काठमाडौं । सेयर बजार परिसूचक नेप्से आज ७८ दशमलव ३१ अंकले बढेको छ । साताको अन्तिम कारोबार दिन नेप्सेमा उच्च अंकले वृद्धि भएको हो ।
यो साता नेप्सेमा लगातार गिरावट आएको थियो । तर आज एकै दिन ७८ अंकले बढ्दा नेप्से परिसूचक २६ सय ८८.५३ बिन्दुमा पुगेको हो ।
यसअघि भदौ १८ गते नेप्से ६ दशमलव ९४ अंकले बढेको थियो । त्यसपछिका ७ कारोबार दिनपछि आज बजार उच्च अंकले उकालो लागेको हो । २२९ कम्पनीको सेयर मूल्य बढ्दा १२ कम्पनीको भने घट्यो ।
३ कम्पनीको मूल्य स्थिर रह्यो । आज कारोबार रकममा पनि केही सुधार देखिएको छ । कुल ३१८ कम्पनीको १ करोड ९४ लाख कित्ता सेयर खरिद बिक्री हुँदा ८ अर्ब १६ करोड ९२ लाख रुपैयाँको सेयर खरिदबिक्री भएको छ ।
