
काठमाडौं । लेखक सौरभको पुस्तक असहमति-५ सार्वजनिक गरिएको छ ।
काठमाडौँमा शनिबार आयोजित एक कार्यक्रममा लेखक सौरभले आफैंले आफ्नो कृति सार्वजनिक गर्नुभएको हो । लेखक सौरभले पुस्तकमा दुई हजार सात सालको परिवर्तनपछि परदेश निस्कँदादेखिको पछिल्लो राजनीतिक परिस्थितिले सिर्जित घटनालाई पुस्तकमा समावेश गरेको बताउनुभयो ।
लेखक सौरभले देशले अहिलेसम्म आइपुग्दा मानविय पूँजी निर्माण गर्न नसकेको भन्दै आफ्नो पुस्तक लोकार्पण गर्नका लागि त्यस्ता व्यक्ति भेटाउन मुस्किल परेको सुनाउनुभयो । सौरभले असहमति नाम गरेर किताबको सिरिज नै लेखिरहनु भएको छ । किताबको प्रकासन बुकहिलले गरेको हो ।