काठमाडौं । नेपाली सेनाका अवकाश प्राप्त उपरथी रमीन्द्र क्षत्रीले ४० वर्षे सैन्य जीवन सम्बन्धी पुस्तक 'जीवन सुन्दर छ' सार्वजनिक गर्नु भएको छ ।
प्रधानसेनापति प्रभुराम शर्माले आज काठमाडौंमा पुस्तक सार्वजनिक गर्दै क्षेत्री सैनिक जीवनमा कहिल्यै हार नमान्ने व्यक्ति भएको बताउनु भयो । २०६० साल भदौ ११ गते सामाखुशीस्थित आफ्नै निवास छेउमा तत्कालीन माओवादीको आक्रमणमा परेका क्षत्रीको त्यसयता आधा शरीर नचल्ने अवस्थामा छ । सोही दिन माओवादीकै आक्रमणमा परेका तत्कालीन प्रमुख सेनानी किरण बस्नेतको भने निधन भएको थियो ।
आधा शरीर नचल्ने अवस्थामा भए पनि आफूले व्यहोरेको कष्ट र आत्मबल समेत समेटेर पुस्तक ल्याएको उहाँले बताउनु भयो । पुस्तकमा सात खण्ड गरेर माओवादीले आक्रमण गर्दादेखि दरवारसँग जोडिएका घटनासमेत समेटिएको छ । उहाँले आफूमाथि भएको आक्रमण न्यायिक निरुपणको विषय भएको बताउनुभयो ।
क्षेत्रीको परिवारका तिन दाजुभाईले नै सैनिक जीवनबाट आवकाश पाइसक्नु भएको छ । उहाँका भाइ राजेन्द्र क्षेत्री प्रधानसेनापति हुनुभएको थियो ।
