आजका मुख्य समाचार,
* नयाँ वर्ष २०८२ को हर्षोल्लासपूर्वक स्वागत / देशभर जात्रा र पर्वको उल्लास / सुदूरपश्चिममा बिसु पर्व मनाइँदा पूर्वी तराईमा पानी सिरुवा र भक्तपुरमा बिस्काको रौनक ।
* सरकारलाई सुशासन र सेवा प्रवाहमा सुधारसहित जनतामा उत्साह जगाउने अवसर / सामाजिक न्यायका लागि सडकमै आउनुपर्ने अवस्था अन्त्य हुनुपर्नेमा जोड ।
* विश्वव्यापी व्यापार युद्धले अर्थतन्त्र सुधारमा चुनौती / कृषि क्षेत्रको सुधारका लागि कृषिजन्य वस्तु आयातमा कडाइसहित नार्कको पुनर्संरचना गर्न सुझाव ।
* चिनियाँ स्मार्ट फोनसहित प्राविधिक उत्पादनमा दिइएको आयात कर छुट अस्थायी भएको अमेरिकी राष्ट्रपति ट्रम्पको भनाइ / चिनियाँ राष्ट्रपति सी दक्षिण–पूर्वी एशियाली देशको भ्रमणमा ।
* आईसीसी पुरुष अन्डर १९ विश्वकप अन्तर्गत एसिया छनोटमा नेपालको लगातार दोस्रो जित / घरेलु टोलीले ओमानलाई ८ विकेटले हरायो ।
