आजका मुख्य समाचार,
* सूर्यदर्शन सहकारी ठगी मुद्दामा रवि लामिछानेसहित ७ जनालाई धरौटीमा रिहा गर्न कास्की अदालतको आदेश / तीन जना धरौटी बुझाएर रिहा / रविलाई काठमाडौँ ल्याउने तयारी ।
* प्रधानमन्त्री ओली संविधान संशोधनको मुद्दाबाट पछि हटेपछि कांग्रेस र एमालेबीच खटपटको संकेत / सहमतिविपरित प्रधानमन्त्रीले अभिव्यक्ति दिएको भन्दै कांग्रेसको आपत्ति ।
* दश वर्षभित्र विद्युत् जडित क्षमता साढे २८ हजार मेगावाट पुर्याउने लक्ष्यसहितको उर्जा विकास मार्गचित्र सार्वजनिक / १५ हजार मेगावाट बिजुली निर्यात् गरिने ।
* दक्षिण कोरियाका निलम्बित राष्ट्रपति युनद्वारा संवैधानिक अदालतको निर्णय स्वीकार गर्ने प्रतिबद्धता / आफ्नो मुद्दाको बहसमा उपस्थित हुन इच्छुक ।
* जय ट्रफी पुरुष एलिट कपमा पुलिस क्लबको सानदार जित / मधेश प्रदेश एक इनिङ्स र ३५ रनले पराजित / बागमती प्रदेश र आर्मीबीचको खेल बराबरी ।
