आजका मुख्य समाचार
– उद्योगीसँग अर्बौं विद्युत् महसुल उठाउने विषयमा संसद्मा सत्ता पक्ष र विपक्षीबीच चर्काचर्की / प्राधिकरणका प्रबन्ध निर्देशक कुलमान घिसिङले भ्रष्टाचार गरेको भन्दै अख्तियारमा उजुरी ।
– संक्रमणकालीन न्यायसम्बन्धी विधेयक प्रतिनिधि सभामा पेस / यही अधिवेशनबाट पारित गर्ने प्रधानमन्त्रीको प्रतिबद्धता / सर्वस्वीकार्य बनाउन सरोकारवालाको सुझाव ।
– सचेतना अभावले बाँकेको नरैनापुरका अधिकांश बालिका विद्यालयबाहिर / प्राविमा भर्ना भएका ५ हजारमध्ये १० कक्षामा पुग्दा ४ हजार ८ सय ६० जनाले विद्यालय छाडे ।
– बंगलादेशको राजनीतिक परिवर्तनमा आफ्नो संलग्नता नरहेको अमेरिकाको प्रस्टोक्ति / हसिनालाई सत्ताच्युत गराउने जनताको निर्णयको सम्मान गर्ने ह्वाइट हाउसको भनाइ ।
– चर्च ब्वाइज युनाइटेडलाई हराउँदै भुटानको पारो एफसी, एफसी च्यालेन्ज लिगको समूह चरणमा / हिलो मैदानमा खेलाइएको खेलमा चर्च ब्वाइज दुई-एक गोलले पराजित ।
