आजका मुख्य समाचार
– बंगलादेशमा संकट गहिरिएपछि नेपालको सीमा क्षेत्रमा उच्च निगरानी / रोहिंग्या र भुटानी शरणार्थीको नियति दोहोरिन नदिन सचेत / बंगलादेशमा संसद् विघटन ।
– बाग्लुङ, गुल्मी र काभ्रेमा बाढी–पहिरोबाट १३ जनाको मृत्यु / पाँच प्रदेशमा भोलिसम्म भारी वर्षाको पूर्वानुमान / अति जोखिमका ३४ जिल्लामा रात्रि बस नचलाउन आग्रह ।
– अमेरिकी डलरको मूल्य बढ्दा नेपाली मुद्रा अहिलेसम्मकै कमजोर / नेपालमा महँगी र व्यापार घाटा बढ्ने जोखिम / विकास निर्माणको लागत पनि महँगिने ।
– सेयर बजार परिसूचक नेप्सेमा १ सय ४५ अंकको गिरावट / कारोबारमा भने नयाँ रेकर्ड / आज एकै दिन २३ अर्ब ७१ करोड बराबरको ५ करोड ३८ लाख कित्ता सेयर किनबेच ।
– इरानलाई सोझो सेटमा हराउँदै नेपाल काभा महिला नेसन्स भलिबल लिगको फाइनलमा / उपाधिका लागि भोलि भारतसँग प्रतिस्पर्धा गर्ने ।
