आजका मुख्य समाचार
– रवि लामिछाने गृहमन्त्री हुँदा सीआईबी प्रमुखमा लगिएका श्यामलाल ज्ञवाली प्रहरीकै छानबिनको दायरामा / राजनीतिक प्रभावमा काम गरेको आरोप / संसदीय समितिमा प्रश्न ।
– प्रधानमन्त्रीपिच्छे निर्देशनका चाङ / कार्यान्वयन नहुँदा सुशासन र सेवा प्रवाहमा समस्या ज्यूँका त्यूँ / विज्ञ भन्छन्– राजनीतिक र प्रशासनिक नेतृत्वबीचको समन्वयले मात्र परिणाम दिन्छ ।
– वैदेशिक लगानीमा खुलेका कम्पनीले नेपालबाट आकर्षक लाभांश लैजाँदै / प्रचार नहुँदा लगानीको वातावरण छैन भन्ने भ्रम चिर्न सरकार असफल / प्रतिबद्धता बमोजिम लगानी भित्रिएन ।
– इजरायली आक्रमणमा हमास प्रमुख इस्माइल हनिया मारिएपछि विश्व राजनीति तरंगित / बदला लिने इरानको चेतावनी / मध्यपूर्वमा क्षेत्रीय युद्धको त्रास ।
– ब्याडमिन्टनका प्रिन्स दाहाल पेरिस ओलम्पिकको समूह चरणबाटै बाहिरिए / अन्तिम खेलमा इजरायलका मिसासँग सोझो सेटमा पराजित / पदक तालिकामा चीनको अग्रता कायमै ।