आजका मुख्य समाचार,
* न्यूनतम साझा कार्यक्रम बनाउन सत्ता गठबन्धनको छैन सुरसार / सरकार सञ्चालनको खाका नै अस्पष्ट / स्थायित्व, सुशासन र रोजगारीलाई प्राथमिकता दिन विज्ञको सुझाव ।
* त्रिशूलीमा ७ दिनदेखि बेपत्ताहरु जीवितै भेटिने आस गरेका आफन्तको पर्खाइ पीडादायी / भेटिएकै शवको पनि सनाखत हुन नसक्दा व्यवस्थापनमा समस्या ।
* कर्जा विस्तार गर्ने गरी मौद्रिक नीतिको मस्यौदा तयार / सञ्चालक समितिबाट पारित गरी भोलि नै सार्वजनिक गर्ने राष्ट्र बैंकको तयारी / लचिलो बन्न उद्योगीको सुझाव ।
* आरक्षण खारेजीको माग गर्दै चर्किएको प्रदर्शन हिंसात्मक हुँदा बंगलादेशमा थप ६ जनाको मृत्यु / वार्ताका लागि सरकारले गरेको आह्वान प्रदर्शनकारीद्वारा अस्वीकार ।
* पेरिस ओलम्पिकको तयारीमा रहेका ब्याडमिन्टनका प्रिन्स दाहाल अभ्यासमा व्यस्त / डेब्यू स्मरणीय बनाउने लक्ष्य / प्रशिक्षणका लागि पूर्वाधार भने नपुगेको गुनासो ।