काठमाडौं । काठमाडौंको नागढुंगादेखि धादिङको सिस्नेखोला जोड्ने सुरुङको मुख्य टनेलको ब्रेक थ्रु भएको छ ।
२ दशमलव ६ किलोमिटरको मुख्य सुरुङ आज प्रधानमन्त्री पुष्पकमल दाहाल र भौतिक पूर्वाधार तथा यातायातमन्त्री रघुवीर महासेठले विद्दुतीय स्विच थिचेर ‘ब्रेक थ्रु’ गरेका हुन् । निर्माण व्यवसायी हाजमा एन्डो कर्पोरेसन जापानले सन् २०१९ मा ठेक्का लिएको यो सुरुङको काम गत वर्ष सकिसक्नुपर्ने थियो । तर, विभिन्न कारण देखाउँदै एक वर्ष म्याद थप गरियो ।
थपिएको समयावधिमा पनि मात्रै सुरुङ खन्ने काम सकिएको हो । यो सुरुङ नियमित भएपछि २.८ किलोमिटर दूरी घट्नुका साथ साथै काठमाडौंतर्फ आउँदा ३३ र बाहिरिँदा २३ मिनेट समयको बचत हुनेछ । टनेलको ब्रेक थ्रु गर्दै प्रधानमन्त्री पुष्पकमल दाहालले अब टनेल युगको सुरुवात भएको जनाएका थिए ।
विस्तृत भिडियोमा :
यो पनि...
