काठमाडौं । एएफसी महिला च्याम्पियन्स लिगको प्रारम्भिक चरणअन्तर्गत समूह 'बी' मा विभागिय टोली नेपाल एपीएफ क्लबले आइतबार आफ्नाे अन्तिम खेलमा साउदी अरेबियाको अल नासारसँग प्रतिस्पर्धा गर्दै छ ।
उज्बेकिस्तानको क्वार्सीस्थित मार्काजिय स्टेडियममा खेल नेपाली समयअनुसार सााझ सवा ६ बजे सुरू हुनेछ । लगातार दुई खेलमा हार बेहोरेको एपीएफको मुख्य चरणमा पुग्ने सम्भावना सकिसकेको छ ।
चेतन घिमीरेको टोली सान्त्वना जित सहित प्रतियोगिता समप्त गर्ने योजनामा हुने छ । एपीएफले पहिलो खेलमा नासाफ पीएफसीसँग ३-० तथा दोस्रो खेलमा थाइल्याण्डको कलेज अफ एसियन स्कोलार्ससँग ५-० ले हारेको थियो ।
साउदी क्लबअल नासर पनि दुबै खेलमा पराजित भइसकेको छ । उसले पहिलो खेलमा थाइ क्लबसाग २-० र दोस्रो खेलमा नासाफसाग हार व्यहोरेको थियो । त्यसैले प्रतियोगिताबाट बाहिरिसकेको अल नासार पनि पहिलो जितको लक्ष्यसहित मैदान उत्रिनेछ ।
