साफ यू-१७ महिला च्याम्पियनसिप : नेपालले आज भुटानसँग प्रतिस्पर्धा गर्ने

भाद्र १५, २०८२ |खेल ब्युरो
साफ यू-१७ महिला च्याम्पियनसिप : नेपालले आज भुटानसँग प्रतिस्पर्धा गर्ने

काठमाडौं । भुटानमा जारी साफ यू-१७ महिला च्याम्पियनसिपको अन्तिम खेलमा नेपालले आइतबार आयोजक भुटानसँग प्रतिस्पर्धा गर्नेछ । 

खेल चाङ्लिमिथाङ रंगशालामा नेपाली समयअनुसार सााझ पौने ६ बजे सुरू हुनेछ । नेपाल यसअघि नै उपाधि दौडबाट बाहिरिसकेको छ । पाँच खेलमा जम्मा एक जित हात पारेको नेपाल ३ अंकसहित तेस्रो स्थानमा छ । 

भारतविरूद्ध ७-० र ५-० ले पराजित भएको नेपाल बंगलादेशसँग पनि ३-० र ४-१ ले हार्न पुगेको थियो । तर, भुटानविरूद्ध भने नेपालले पहिलो भेटमा २-१ को जित दर्ता गरेको थियो ।

डबल राउण्ड रोबिन लिग आधारमा भएको प्रतियोगितामा भारतले ५ खेलमै १५ अंक जोडेर उपाधि जितिसकेको छ भने बंगलादेश १२ अंकसहित दोस्रो स्थानमा छ । जितविहीन भुटान अन्तिम स्थानमा रहेको छ । आजै हुने अर्को खेलमा भारत र बंगलादेश पनि प्रतिस्पर्धा गर्ने छन् ।