काठमाडौं । विश्व नम्बर एक आरिना साबालेन्काले, मोन्ट्रियलमा हुने क्यानेडियन ओपन टेनिसबाट आफ्नो नाम फिर्ता लिएकी छिन् ।
थकानका कारण बेलारुसकी साबालेन्काले युएस ओपनको तयारीका रुपमा रहेको प्रतियोगिता नखेल्ने निर्णय गरेको टेनिस क्यानडाले जानकारी दिएको हो । उत्तर अमेरिकी हार्ड कोर्टमा खेल्न उत्साहित रहेको भए पनि आफ्ना लागि समय दिनुपर्ने भएकाले मोन्ट्रियल नजाने निर्णयमा पुगेको साबालेन्काले उल्लेख गरेकी छिन् । क्यानेडियन ओपन जुलाइ २६ देखि अगस्ट ७ सम्म चल्नेछ ।
साबालेन्का गत आइतबार सम्पन्न विम्बल्डनको सेमिफाइनलिस्ट हुन् । उनले अन्तिम चारमा अमेरिकाकी एमान्डा एनिसिमोभासँग हार बेहोरेकी थिइन् । त्योभन्दा अघि फ्रेन्च ओपनमा २७ वर्षीया साबालेन्काले अमेरिकाकै कोको गौफसंग उपाधी गुमाएकी थिइन् ।
.jpg&w=350&height=150)
