धादिङ । पृथ्वी राजमार्ग अन्तर्गत धादिङको बेनिघाट रोराङको बाँदरे मोडमा लगातारको बर्षातको कारण ढुङगा सहितको पहिरो खस्दा राजमार्ग ठप्प भएको छ । ठुलो पहिरो खसेकाले राजमार्ग दुईतर्फी नै बन्द भएको हो ।
पहिरो पन्छाउने काम सुरु भइ सकेको ट्राफिक प्रहरी कार्यालय धादिङका प्रमुख सुरज श्रेष्ठले जानकारी दिनु भयो ।
दुई वटा मेसिनको प्रयोग गरि पहिरो पन्छाउन थालिएको श्रेष्ठले बताउनु भयो । पहिरोको कारण संघीय राजधानी काठमाडौ प्रवेश गर्ने र बाहिरिदै गरेका सबै सवारी साधन रोकिएका छन् । पहिरो ठूलो भएकोले पन्छाउन समयलाग्ने बताइएको छ ।
