काठमाडौं । स्पेनिस ला लिगामा अलाभेसलाई पराजित गर्दै जिरोनाले वर्षको उत्कृष्ट सुरुवात गरेको छ ।
गएराति सम्पन्न खेलमा जिरोनाले अलाभेसलाई १-० गोल अन्तरले पराजित गरेको हो । बराबरी उन्मुख खेलको अन्त्यतिर गोल गर्दै जिरोनाले महत्वपूर्ण ३ अंक जोड्यो । नियमित समयमा दुबै टिमले गोलरहित बराबरी खेलेका थिए ।
तर अतिरिक्त समयको पहिलो मिनेटमा जोन सोलिसले गोल गर्दै जिरोनालाई कठिन जित दिलाए । यस जितसँगै १७ खेलमा २८ अंक जोडेको जिरोना सातौं स्थानमा उक्लिएको छ । समान खेलमा १७ अंकसहित अलाभेस १६ औं स्थानमा छ ।
