काठमाडौं । नेपाल प्रिमियर लिग अन्तर्गत पहिलो क्वालिफायर्समा जनकपुर बोल्ट्स र सुदूरपश्चिम रोयल्स भिड्दै छन् । त्रिवि क्रिकेट मैदानमा टस जितेर जनकपुरले पहिला ब्याटिङ गर्ने निर्णय गरेको छ ।
आजको यस खेलको विजेता सीधै फाइनलमा पुग्नेछ भने पराजित हुने टोलीले दोस्रो क्वालिफायर्समा कर्णाली याक्सको सामना गर्नेछ ।
जनकपुरका कप्तान तथा ओपनर अनिल साह चोटग्रस्त बनेपछि टिमलाई ठूलो झट्का लागेको छ । अनिलको औंलामा चोट लागेको छ । उनले एनपीएलका बाँकी खेल गुमाउनेछन् । अनिलको अनुपस्थितिमा आसिफ शेखले टिमको कप्तानी सम्हाल्ने छन् ।
