काठमाडौं । डाफोडिल कप अन्तर विद्यालय बास्केटबल एवम् फुटसल प्रतियोगिता –२०८१ सुन्दरीजलस्थित स्पोर्टस कम्प्लेक्स काठमाडौंमा जारी छ ।
नेपालका भेट्रान ओलम्पिक म्याराथन धावक तथा ३ पटकका दक्षिण एसियाली खेलकुदको स्वर्ण पदक विजेता बैकुण्ठ मानन्धरबाट प्रतियोगिताको उद्घाटन भएको हो ।
उद्घाटनको अवसरमा भएको महिला विद्यार्थीको बास्केटबल प्रतियोगितामा डाफोडिल महिला विद्यार्थी टिमले इनोभेटिभविरुद्ध २४–१३ को अंकले विजय हासिल गर्यो । त्यस्तै पुरुष तर्फको बास्केटबल प्रतियोगितामा विल्सन एकेडेमीले इनोभेटिभलाई ४५–१९ र बौद्ध इन्टरनेसनल स्कुलले महिलातर्फ चेल्सियाविरुद्ध २०–१२ विजय हासिल गरे ।
सोही दिन भएको पुरुष फुटसलको प्रतियोगितामा युरो स्कुल हात्तिगौंडाले डाफोडिल पब्लिक स्कुललाई १–० अन्तरले विजय हासिल गरे ।
पुरुषतर्फ यू-१४ को समूहमा विल्सन एकेडेमीले डीबीएस बी टिमलाई १–० ले पराजित गर्यो । यस्तै यू-१६ समूहको खेलमा चेल्सिया वर्ल्ड स्कुलले इनोभेटिलाई ८–० को भारी अन्तरले पराजित गर्यो ।
यसै समूहको अर्को खेलमा डाफोडिल पब्लिक स्कुलले डीबीएस बीलाई ५–१ को अन्तरले पराजित गरेको छ । प्रारम्भिक चरणको शिक्षकहरुको सबै फुटसल प्रतियोगिताहरु हुनेछ ।
