काठमाडौं । पहिलो संस्करणको एभरेस्ट महिला भलिबल लिग आजदेखि सुरु हुँदै छ ।
प्रतियोगिता यसै महिनाको १९ गते सम्म त्रिपुरेश्वरस्थित राष्ट्रिय खेलकुद परिषदको कभर्डहलमा हुने छ। प्रतियोगितामा ललितपुर क्विन्स, काठमाडौं स्पाइकर्स, मधेश युनाइटेड, चितवन शक्ति, गण्डकी थन्डर्स र कर्णाली यस्भिस गरी ६ टोली सहभागी हुनेछन् ।
उद्घाटन खेलमा काठमाडौं स्पाइकर्सले ललितपुर क्विन्सविरुद्ध खेल्नेछ। खेल दिउँसो पौने ४ बजे सुरु हुनेछ । सोही दिन मधेश र कर्णाली तथा चितवन र गण्डकी प्रतिस्पर्धा गर्ने छन् । सहभागी ६ फ्रेन्चाईजी टोलीबीच सिंगल राउण्ड रोविन लिगका आधारमा फाइनल सहित १६ खेल हुने छन् ।
लिगमा शीर्ष दुई स्थान हासिल गर्ने टिमले उपाधिका लागि प्रतिस्पर्धा गर्ने छन् । प्रतियोगितामा फाइनल बाहेक हरेक दिन तीन खेल हुनेछ ।
