काठमाडौं । साबिक विजेता इटाली युरो कपको अन्तिम १६ मा प्रवेश गरेको छ । क्रोएसियाविरुद्ध १-१ गोलको बराबरी खेल्दै इटाली अन्तिम १६ मा प्रवेश गरेको हो ।
१-० ले पछि परेको इटालीले अन्तिम समयमा गोल फर्काएपछि नकआउट चरणमा स्थान बनायो । लुका मोड्रिचले ५५ औं मिनेटमा गोल गर्दै क्रोएसियालाई सुरुवाती अगता दिलाएका थिए । त्यसअघि उनी पेनाल्टीमा चुकेका थिए । उनको पेनाल्टी इटालियन गोलरक्षक डोनारुमाले बचाएका थिए ।
इन्ज्युरी समयको आठौँ मिनेटमा रिकार्डो कालाफिओरीको पासमा माटिया जाकाग्नीले उत्कृष्ट गोल गरेपछि इटाली अन्तिम १६ मा प्रवेश गर्यो । इटाली ३ खेलमा ४ अंकसहित समूह बीको उपविजेाको रूपमा अघिल्लो चरणमा प्रवेश गरेको हो ।
यसै समूहको अर्को खेलमा स्पेनले अल्बानियालाई १-० ले पराजित गर्दै समूह विजेताको रूपमा नकआउट चरणमा प्रवेश गरेको छ । स्पेन समूह चरणमा अपराजित रहँदै ३ खेलमा ९ अंक जोडेर अघिल्लो चरणमा प्रवेश गरेको हो ।
यस समूहमा क्रोएसियाको ३ खेलमा २ अंक छ । समूहमा तेस्रो भएको क्रोएसियाको तेस्रो स्थान हासिल गर्ने उत्कृष्ट ४ टोलीको रूपमा अघि बढ्ने झिनो सम्भावना मात्र बाँकी छ । १ अंकसहित पुछारमा रहेको अल्बानिया भने प्रतियोगिताबाट बाहिरियो ।
.png&w=350&height=150)
