सल्यान । सल्यानमा आयआर्जनमा जोड दिन ६५ जना किसानलाई माहुरीसहित घार वितरण गरिएको छ ।
डिभिजन बन कार्यालय अन्तगर्तको पारिस्थितिकीय प्रणालीमा आधारित अनुकूलन आयोजना र बनगाड कुपिण्डे नगरपालिका-४ डोब्केमा रहेको सल्लेरी सामुदायिक वनले ६५ जनालाई मौरीघार वितरण गरेको हो ।
सामुदायिक वनको १ लाख ४ हजार र पारिस्थितिकीय प्रणाली परियोजनाको ६ लाख ७५ हजार रकमबाट आधुनिक मौरीघार लगायतका सामग्री वितरण गरिएको सामुदायिक वन उपभोक्ता समितिले जनाएको छ ।
स्थानीयले मौरीपालनलाई व्यावसायिक रुपमा अघि बढाउन सकून् र यस बाट आयआर्जन गरुन भन्ने उदेश्यले घार वितरण गरिएको हो ।
