काठमाडौँ । नेकपा एमालेको ११औं महाधिवेशनबाट निर्वाचित १९ पदाधिकारीमध्ये पद्मा अर्याल एकमात्र महिला पदाधिकारीका रुपमा निर्वाचित हुनुभएको छ । ९ सचिवमध्ये ओली प्यानलबाट उम्मेदवार बन्नुभएकी अर्याल १५ सय ३० मत ल्याएर विजयी हुनुभएको हो ।
अर्याल यसअघि केपी शर्मा ओली नेतृत्वको सरकारमा भूमि व्यवस्था, सहकारी तथा गरिबी निवारण मन्त्री हुनुभएको थियो । २०३६ सालको विद्यार्थी आन्दोलनबाट प्रभावित भई राजनीतिमा सक्रिय हुनुभएकी उहाँ २०३९ मा अनेरास्ववियु पाँचौँमा संगठित हुनुभएको थियो ।
२०६९ सालमा एमालेको स्याङ्जा जिल्ला अध्यक्ष हुनुभएकी उहाँ २०७४ मा स्याङ्जा २ बाट प्रत्यक्ष निर्वाचित हुनुभएको थियो ।
