काठमाडौं । नेपाली कम्यूनिस्ट पार्टीका संयोजक पुष्पकमल दाहालले आफूहरूले सुरू गरेको वामपन्थी ध्रुवीकरणले सबैलाई एकै ठाउँमा ल्याउने बताउनुभएको छ ।
लुम्बिनी प्रदेशस्तरीय एकता सन्देश सभालाई शनिबार लमहीमा सम्बाेधन गर्दै संयोजक दाहालले छरिएर रहेका वामपन्थीहरूको एकताको आवश्यकतालाई सफल बनाउने दाबी गर्नुभयो । उहाँले एमालेका एकता चाहने शक्तिसँग समेत गृहकार्य भइरहेको बताउनुभयो ।
पार्टीका सहसंयोजक माधवकुमार नेपालले नेपालमा वामपन्थी एकताको आवश्यकताले मात्र मुलुकको समस्या समाधान हुने बताउनुभयो । सभालाई सम्बोधन गर्दै नेताहरूले राजनीतिक परिस्थिति बदलिएको भन्दै अहिले एकता गरेर कुनै मुलुकको संकट टार्नुपर्नेमा जोड दिए ।
