दाङ । नेकपा एमालेका महासचिव शंकर पोखरेलले राष्ट्रिय सहमतिको परिस्थिति निर्माण गरे संविधान संशोधनको प्रकृया अघि बढ्ने बताउनु भएको छ ।
एमाले प्रचार विभागले आज दाङको घोराहीमा आयोजना गरेको कार्यक्रममा बोल्नुहुँदै एमाले महासचिव पोखरेलले अधिकतम सहमतिको आधारमा संविधान संशोधनको प्रक्रिया अघि बढ्ने बताउनु भएको हो । संरचना सुधार, अधिकारमा स्पष्टता र कानून सुधार गरेर जान सक्ने बारेमा समेत गृहकार्य भइरहेको उहाँको भनाइ छ ।
उहाँले सरकारमा सहभागी दुई प्रमुख पार्टी कांग्रेस र एमालेलाई असफल हुने छुट नरहेको बताउनुहुँदै सरकार परिवर्तनको हल्ला फिजाएर मुख नमिठ्याउन प्रतिपक्षी दलहरुलाई आग्रह गर्नु भयो ।
