काठमाडौं । नेपाली कांग्रेसले पनि आफ्नो भागका मन्त्रीको नाम टुंग्याउने कसरतमा छ । एक मन्त्रीको नाम टुंगो लाग्न बाँकी रहे पनि कांग्रेसले आफ्नो तर्फबाट ७ जना मन्त्रीको नाम टुंग्याएको कांग्रेस केन्द्रीय कार्यालयका मुख्यसचिव कृष्ण प्रसाद पौडेलले जानकारी दिनुभयो ।
केपी ओली नेतृत्वको मन्त्रिपरिषद्मा कांग्रसबाट प्रकाशमान सिंह उपप्रधानमन्त्रीसहित सहरी विकास मन्त्री बन्नु भएको छ । यस्तै रमेश लेखकलाई कांग्रेसले गृहमन्त्रीको जिम्मेवारी दिएको छ ।
यस्तै आरजु राणा परराष्ट्रमन्त्री, अजय चौरसिया कानुन, न्याय तथा संसदीय मामिला मन्त्री बन्नुभएको छ भने दीपक खड्काले ऊर्जामन्त्रीको जिम्मेवारी पाउनु भएको छ । वन तथा वातावरणमन्त्री भने ऐनबहादुर शाही बन्नु भएको छ भने तेजुलाल चौधरी युवा तथा खेलकुद मन्त्री बन्नुभएको छ ।
यो पनि...
