विराटनगर । नेपाल नर्सिङ संघले आह्वान गरेअनुरूप कोशी अस्पताल विराटनगरका नर्सहरूले बुधबारदेखि हातमा कालोपट्टी बाँधेर धर्नामा बसेका छन् ।
उनीहरूले कोशी अस्पतालको आइसियु विभाग अगाडि दुई घण्टा धर्नामा दिएका हुन् । उनीहरूले निजी अस्पताल तथा शिक्षण संस्थामा कार्यरत नर्सहरूको न्यूनतम पारिश्रमिक र सुविधा नेपाल सरकार सरह नघट्ने गरी सुनिश्चित गर्न माग गरेका छन् । यस्तै दक्ष नर्सिङ जनशक्तिलाई श्रमिक नभइ स्वास्थ्य ऐनअन्तर्गत व्यवस्थित पेशाको रूपमा मान्यता दिनु पर्ने माग उनीहरूको छ ।
