धादिङ । धादिङको नीलकण्ठ-६ मा खोल्सामा आएको बाढीले एकजना बगाएको छ ।
शनिबार साझ परेको भारी वर्षा पछिको बाढीले नीलकण्ठ-६ भोर्लेमा प्रादेशिक सडक आयोजनाको स्तरउन्नती भइरहेको स्थानमा कार्यरत मजदुरलाई बगाएको स्थानीय स्वास्थ्यकर्मी राजु श्रेष्ठले जानकारी दिनुभयो ।
श्रेष्ठकाअनुसार खोल्साले चितवन पदमपुर घर बताउने अन्दाजी २१ वर्षका रविन तामाङलाई बगाएको हो । धादिङबेसी र आसपासमा केहि समयदेखि भारी वर्षा भैरहेको छ । वर्षाको कारण सदरमुकाम नजिकै पहिरो खस्दा साँघुटारमा बाटो अवरूद्ध भएको छ ।
धादिङको तिप्लिङ थोप्पल खोलामा आएको बाढीले सो सडक खण्डको पूलमा समेत प्रभाव पारेको छ भने यातायात सेवा समेत अवरूद्ध भएको छ ।
