सुनसरी । सुनसरीको इटहरीस्थित यातायात व्यवस्था कार्यालय कोशीका कार्यालय प्रमुख सतिश सत्याललाई मन्त्रालय तानिएको छ।
आन्तरिक मामिला तथा कानुन मन्त्रालय कोशीले गरेको अनुगमनका क्रममा स्वास्थ्य परीक्षणमा फेल भएकालाई पैसा लिएर पास गराइएको भेटिएपछि सत्याललाई कारबाहीस्वरूप मन्त्रालयमा तानिएको मन्त्रालयले जनाएको छ।
यस विषयमा लिखित तथा मौखिक रूपमा गुनासो आएपछि छड्के अनुगमन गरेको मन्त्रालयले सत्यालको कार्यकक्ष र दराजसमेत सिल गरेको छ।
