काठमाडौं । आसन्न फागुन २१ को प्रतिनिधि सभा सदस्य निर्वाचन आउन अब नौ दिन बाँकी रहेको छ ।
निर्वाचनको दिन नजिकिँदै जाँदा निर्वाचन आयोगले शैक्षिक संस्थामा सम्बद्ध प्राध्यापक, शिक्षक तथा कर्मचारीहरू चुनाव प्रचारप्रसारमा सहभागी हुन नहुने भन्दै सचेत गराएको छ ।
केही प्राध्यापक, शिक्षक तथा कर्मचारी राजनीतिक दल तथा उम्मेदवारको पक्षमा प्रचारप्रसारमा संलग्न भएको भनि उजुरी तथा गुनासो प्राप्त भएपछि आयोगले एक विज्ञप्ति जारी गर्दै सचेत गराएको हो ।
आयोगले उनीहरूलाई आफ्नो पदको मर्यादा र कानुनी दायित्वलाई मनन गर्दै आचारसंहिताविपरितका गतिविधिमा संलग्न नहुन भनेको छ ।
