पूर्वी नवलपरासी । पूर्वपश्चिम राजमार्गअन्तर्गत पूर्वी नवलपरासीको दुम्किबासमा रहेको विनयी खोलाको पुल अलपत्र छ ।
२०८१ पुस २६ गते उद्योगका लागि उपकरण लगाउने क्रममा भारतीय लहरीले बोकेको अत्याधिक भार थेग्न नसक्दा पुल भाँचिएको थियो । तर भाँचिएको एक वर्ष हुँदासमेत पुल मर्मत नभएको छैन । न त भाँचिएको पुलको संरचना नै हटाइएको छ ।
डाइभर्सनबाट महिनौसम्म यातायात सञ्चालन भएको थियो । तर, अहिले बुटवल नारायणगढ सडक विस्तारअन्तर्गत सो ठाउँमा नयाँ पुल निर्माण भएर केही सहज भएको छ । तर, चार लेनको सडकमा दुई लेनको पुल हुँदा जोखिम छ । एडीबीको सहयोगमा विस्तार भैरहेको बुटवल नारायणगढ सडक आयोजनाले पुल निर्माण गर्ने हो वा नेपाल सरकारले छुट्टै बजेटमा भन्नेमा अझै अन्याेल छ ।
सडक विभागअन्तर्गतको पुल महाशाखाका प्रमुख ललिजन खनालले तत्कालै के गर्ने भन्ने विषयमा निर्णय भैनसकेको बताउनुभयो ।
