काठमाडौं । शैक्षिक परामर्श क्षेत्रको अग्रणी संस्था एजुकेसनल कन्सल्टेन्सी एसोशिएसन अफ नेपाल (इकान)को आगामी निर्वाचनमा वर्तमान प्रथम उपाध्यक्ष लक्ष्मण पौडेल (एन्ड्रयू)ले अध्यक्ष पदका लागि उम्मेदवारी दिने घोषणा गर्नुभएकाे छ।
शैक्षिक परामर्श व्यवसायमा २० वर्षभन्दा बढी अनुभव भएका पौडेल गुणस्तरीय शिक्षा प्रदान गर्न सदैव समर्पित व्यक्तित्वका रूपमा परिचित हुनुहुन्छ । उनी शैक्षिक परामर्श कम्पनीहरूको सुधार र व्यावसायिकताका न्याय र संरक्षणका लागि पूर्ण रूपमा वकालत गर्ने व्यक्ति समेत हुनुहुन्छ । आफ्नो व्यवसायिक सफलताका साथै उद्योगका टिम सदस्यहरू र साथीहरूको प्रशिक्षण तथा विकासमा पनि सक्रिय पौडेल गत निर्वाचनमा लोकप्रिय मतका साथ उपाध्यक्ष पदमा निर्वाचित हुनुभएकाे थियाे।
अब प्रथम उपाध्यक्षको जिम्मेवारी निर्वाह गरिरहेका पौडेलले आगामी निर्वाचनमा अध्यक्ष पदका लागि उम्मेदवारी दिनु स्वाभाविक र संस्थाको राम्रो संगठन निर्माणको सिद्धान्तअनुसार भएको बताउनुभएकाे छ । उहाँको उम्मेदवारीलाई महत्वपूर्ण मानिएको छ किनकि सर्वेक्षणअनुसार उहाँ इकानजस्तो ठूलो सदस्य संगठनलाई सहयोग, सुधार र शिक्षित गर्न सक्षम व्यक्ति हुनुहुन्छ ।
इकान शैक्षिक परामर्श क्षेत्रको सबैभन्दा ठूलो संस्था हो जसले विदेश अध्ययन गर्न चाहने विद्यार्थीहरूको करियरसँग प्रत्यक्ष जोडिएको छ। पौडेलको नेतृत्वमा इकानले थप व्यावसायिकता, पारदर्शीता र विद्यार्थीहितलाई प्राथमिकता दिने अपेक्षा गरिएको छ। उहाँको उम्मेदवारीले शैक्षिक परामर्श क्षेत्रमा नयाँ ऊर्जा भर्ने विश्वास गरिएको छ। इकानको निर्वाचन मिति चाँडै घोषणा हुने अपेक्षा गरिएको छ।
