धनकुटा । धनकुटा पाख्रीबास नगरपालिकाको केन्द्र पाख्रीबास बजारमा ऐतिहासिक र भौगोलिक पहिचान झल्काउने उद्देश्यले पाख्रीपार्क निर्माण गरिएको छ ।
बजारसँगैको सानो पार्कमा पाख्री नामको वनस्पतिको बिरूवा रोपेर पाख्रीवासको पहिचान दिन खोजिएको हो । पाख्रीबास नामको उत्पत्तिसँग जोडिएको पहिचान उजागर गर्न पार्क निर्माण गरिएको पाख्रीबास नगरपालिकाका प्रमुख ज्ञानबहादुर गुरुङले बताउनुभयो ।
पाख्रीपार्क निर्माणका लागि पाख्रीबास नगरपालिकाले ७ लाख ५० हजार रूपैयाँ बजेट उपलब्ध गराए छ ।
