काठमाडौं । भदौ २३ र २४ गतेको घटनासम्बन्धी जाँचबुझ गर्न गठित आयोगले तत्कालीन गृहमन्त्री रमेश लेखकलाई बयानका लागि पत्र काटेको छ ।
तत्कालीन गृहमन्त्री लेखकलाई आयोगमै सात दिनभित्र उपस्थित भएर बयान दिन भनेर मंगलबार पत्र काटिएको आयोगका प्रवक्ता विज्ञानराज शर्माले जानकारी दिनुभयो । आयोगले तत्कालीन प्रधानमन्त्री एवं एमाले अध्यक्ष केपी शर्मा ओलीलाई पनि पत्र पठाउने तयारी गरेको छ ।
आयोगले आन्दोलनका समयमा प्रशासनिक र सुरक्षा निकायको नेतृत्वमा रहेकाको बयान लिइसकेको छ । अब राजनीतिक नेतृत्वको बयान लिने प्रक्रिया सुरू भएको हो । त्यसैअनुसार तत्कालीन गृहमन्त्री लेखकलाई पत्र पठाइएको आयोगले जनाएको छ ।
भदौ २३ र २४ भदौको घटना छानबिनका लागि पूर्वन्यायाधीश गौरीबहादुर कार्कीको नेतृत्वमा गठन भएको जाँचबुझ आयोगको तीन महिने म्याद सकिएपछि एक महिना थप गरिएको छ । यता मानवअधिकार आयोगले भने गृहमन्त्री लेखकसँग सोधपुछ सकेर सुरक्षा परिषद्का सदस्य रहेका तत्कालीन मन्त्रीहरूसँग बयान लिन थालेको छ।
.png&w=350&height=150)
