पाेखरा । नेपालका तीन जना आरोही तथा माउन्टेन गाइडहरूले उपल्लो मुस्ताङको छुआमा पहिलो र दोस्रो हिमालको पहिलो पटक सफलतापूर्वक आरोहण गरेका छन् ।
संखुवासभा भोटखोला गाउँपालिकाका जेन्जेन लामा र आशिष गुरुङ र दोलखाको गौरीशंकर गाउँपालिकाका पासाङ रिन्जी शेर्पाले मुस्ताङको लोमन्थाङ गाउँपालिका-४ मा पर्ने छुआमा पहिलो र दोस्रो हिमालको पहिलोपटक आरोहण गर्नुभएको हो। यो टोलीले आइतबार बिहान पौने ९ बजे ६ हजार तीन सय २५ मिटर अग्लो छुआमा दोस्रो र १० बजेर ५९ मिनेटमा ६ हजार तीन सय ६६ मिटर अग्लो छुआमा पहिलोको सफल आरोहण गरोहण गरेको हो ।
सेभेन समिट ट्रेक्सको सहयोगमा अशोक नेपाल र अनिश दाहालसहित पाँच जनाको टोली एक साताअघि छुआमा हिमाल आरोहण गर्न उपल्लो मुस्ताङ पुगेको थियो । टोलीले छुआमा दोस्रो आरोहण गरेपछि करिब एक किलोमिटर यात्रा गरेर फेरि छुआमा पहिलो शिखर अल्पाइन शैलीमा चढेको थियो ।
सरकारले गत चैतमा गण्डकी प्रदेशका १५ वटा नयाँ हिमाल आरोहण गर्न खुला गरेसँगै उनीहरूले छुआमालाई छनोट गरेका थिए । नयाँ हिमालहरूको पहिचान र प्रवर्द्धन गरी व्यवासायिक आरोहण गराउने उद्देश्यले छुआमाको आरोहण गरिएको आरोहण दलका सदस्य आशिष गुरुङले बताउनुभयो ।
नेपालका धेरैजसो हिमालमा विदेशीले पहिलो आरोहण गरेको इतिहास रहेको भन्दै अगामी दिनमा नयाँ हिमालहरूको खोजी गरी आरोहण गर्दै टोली सदस्यले बताएका छन्।
.png&w=350&height=150)
