काठमाडौं । निर्वाचन आयोगका कार्यवाहक प्रमुख निर्वाचन आयुक्त रामप्रसाद भण्डारीले निर्वाचनबाट कुनै पनि बहानामा पछि हट्ने अवस्था नरहेको बताउनुभएको छ ।
सरकारसँग निर्वाचन आयोगले गरेको छलफलमा कार्यवाहक प्रमुख आयुक्त भण्डारीले चुनाव सफल बनाउन सबै जुट्नुको विकल्प नभएको बताउनुभयो । आगामी २१ फागुनका लागि तोकिएको निर्वाचनमा सामाजिक सञ्जाललाई कति हदसम्म प्रचारप्रसार गर्न दिने भन्नेबारे सरकारले सोच्न जरूरी रहेको पनि उहाँले बताउनुभयो । एआई प्रविधिको दुरूपयोगबारे पनि सरकारले छलफल गर्नुपर्ने खाँचो कार्यवहाक प्रमुख निर्वाचन आयुक्त भण्डारीले औल्याउनुभयो ।
आयोगले यातायात बन्द नगरिकनै चुनाव गराउने तयारी गरेको छ । १५ पुससम्म अन्तिम मतदाता नामावली प्रकाशन गर्ने बताउँदै उहाँले चुनावको वातावरण बनिसकेको बताउनुभयो ।
