विराटनगर । नेकपा एमालेको ११औं महाधिवेशन प्रतिनिधि छनोटका क्रममा विराटनगरमा एमाले नेता कृष्ण (पर्शुराम) बस्नेतमाथि हातपात भएको छ ।
शनिबार एमाले पार्टी कार्यालय पाञ्चालीमा मतदानस्थल बाहिर संस्थापन पक्षका नेता बस्नेतमाथि इतर समूहका कार्यकर्ताले हातपात गरेका हुन् । विवाद भएपछि केही समय रोकिएको मतदान पुन: सुरू भएको थियो । वडा नम्बर १२ का एमाले वडाध्यक्ष भानुभक्त पाठकले एकजना व्यक्तिलाई मतदानका लागि लैजाने क्रममा विवाद भएको थियो ।
सोही क्रममा संस्थापन पक्षले पटक-पटक एकै व्यक्तिलाई किन जान दिने भनेपछि विवाद भएको थियो । विवादका क्रममा संस्थापन इतर समूहका कार्यकर्ताले संस्थापन पक्षका नेता बस्नेतमाथि हातपात गरेका थिए । मोरङ जिल्लाको नेकपा एमालेको मतदान समपन्न भएको छ ।
मतपेटिक संकलन कार्य जारी रहेको छ । अहिले साढे सात बजेदेख मतगणना गर्ने नेकपा एमाले मोरङ जिल्ला सचिव सोमराज थापाले बताउनु भयो ।
