काठमाडौं । सुन तस्करी मुद्दामा थुनामा रहेका पूर्वसभामुख कृष्णबहादुर महरा २० लाख रुपैयाँ धरौटी बुझाएर रिहा हुनुभएको छ ।
जिल्ला अदालतको आदेशले थुनामा पुगेका महरालाई उच्च अदालत पाटनले धरौटीमा रिहा गर्न आदेश गरेपछि नगद धरौटी बुझाएर रिहा हुनु भएको हो । उच्चले मुलुकी फौजदारी कार्यविधि संहिता २०७४ को दफा ६७ बमोजिम थुनामा पठाउने गरी भएको जिल्लाको आदेश नमिलेको भन्दै बदर गरिदिएको हो ।
सुन तस्करी प्रकरणमा मुछिएका महरालाई नेपाल प्रहरीको केन्द्रीय अनुसन्धान ब्युरोले असोज २६ मा पक्राउ गरेको थियो ।
असोज २९ गते जिल्ला अदालत काठमाडौंले पुर्पक्षका लागि थुनामा पठाउने आदेश गरेपछि त्यसविरुद्ध महरा उच्च अदालत जानुभएको थियो ।
.png&w=400&height=300)
.png&w=350&height=150)