काठमाडौं । नेपाली कांग्रेसको महाधिवेशन विवाद मिलाउन नेताहरू सक्रिय भए पनि सहमति भने जुट्न सकेको छैन।
बिहिबार केन्द्रीय समिति बैठक बस्नुअघि बुधबार कांग्रेस सभापति शेरबहादुर देउवा र कार्यवाहक सभापति पूर्णबहादुर खड्काले नेताहरूसँग बिहानदेखि छलफल गर्नुभएको थियो । बुधबारनै विशेष महाधिवेशन पक्षधर समूहले काठमाडौंमा भेला गरेर नेतृत्वको आलोचना गरेको छ ।
महामन्त्री गगन थापा र विश्वप्रकाश शर्मा पक्षले विशेष महाधिवेशनका लागि दबाब दिइरहे पनि संस्थापन पक्ष निर्वाचनपछि धकेल्ने कसरत छ । काठमाडौंमा बुधबार आयोजित सभामा विशेष महाधिवेशन पक्षधर नेताहरूले नयाँ नेतृत्व चुनेर मात्रै फागुन २१ को निर्वाचनमा जानुपर्नेमा जोडदिए । उनीहरूले नेतृत्वको आलोचना समेत गरे ।
संस्थापन पक्षले भने समय नपुग्ने भन्दै चुनावपछि महाधिवेशन गर्नुपर्ने अडान राख्दै आएको छ । महाधिवेशनकै विषयले कांग्रेसको केन्द्रीय समिति बैठक एक महिनाभन्दा बढी चल्दा पनि टुङ्गिएको छैन ।
.png&w=400&height=300)
.png&w=400&height=300)
.png&w=350&height=150)
.png&w=350&height=150)
