देश निर्वाचनमय बनेको छ, तोकिएकै समयमा निर्वाचन हुन्छ : मन्त्री घिसिङ

मंसिर १०, २०८२ |कान्तिपुर टीभी संवाददाता
देश निर्वाचनमय बनेको छ, तोकिएकै समयमा निर्वाचन हुन्छ : मन्त्री घिसिङ

काठमाडौं । उर्जा, जलस्रोत तथा सिंचाईमन्त्री कुलमान घिसिङले देश निर्वाचनमय बनेको बताउनुभएको छ ।

राष्ट्रिय युवा परिषदले बुधबार आयोजना गरेको कार्यक्रममा उहाँले यस्तो बताउनुभएको हो । उहाँले सबै शक्तिले निर्वाचनमा भाग लिने भनेर आएकाले तोकिएकै समयमा निर्वाचन हुने बताउनु भयो । उहाँले तोकिएकै समयमा निर्वाचन गर्नुपर्नेमा समेत जोड दिनुभयो । 

उहाँले निर्वाचनमा वुद्धि विवेक पुर्‍याएर नेतृत्व छान्न समेत आग्रह गर्नुभयो । निर्वाचनको समयमा वुद्धि विवेक नपुर्‍याउने र पछि केही भएन भन्ने प्रवृत्ति त्याग्नुपर्ने उहाँको भनाइ छ । उहाँले निर्वाचनमा सही र युवा नेतृत्व चयन गर्न आग्रह गर्नुभयो । उहाँले यसअघिको नेतृत्वले राजनीतिक परिवर्तन नेतृत्व गर्न सफल भए पनि विकासको नेतृत्व गर्न भने असफल भएको बताउनु भयो । उहाँले अब देश विकास गर्ने नेतृत्वको आवश्यक रहेको उल्लेख गर्नुभयो ।


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.