काठमाडौं । जेन-जी आन्दोलनपछि राहदानी बनाउनेको घुइँचो देखिएको छ ।
त्रिपुरेश्वरस्थित राहदानी विभागमा बिहानैदेखि भीड थेग्न हम्मे-हम्मे परिरहेको विभागले जनाएको छ । जेन-जी आन्दोलनपछिका घटनाक्रम र त्यसपछि दशैं तिहारलगायतका चाडपर्वका कारण राहदानी बनाउनेको भीड बढेको हो । महानिर्देशक तीर्थराज अर्यालले विभागसँग अहिले १ लाख ७९ हजार राहदानी स्टक रहेको र मासिक ९० हजारदेखि १ लाखसम्म माग हुने गरेको जानकारी दिनुभयो ।
६ हजार राहदानी जलेको बताउँदै विभागले अहिले दैनिक झन्डै ४ हजार ५ सयदेखि ५ हजारको हाराहारीमा माग रहेको जनाएको छ । विभागबाट वितरण हुने सामान्यतः दैनिक १ हजार २ सय हो । चार महिनापछि नयाँ कम्पनीले सम्झौताअनुसार राहदानी व्यस्थापन गर्ने पनि विभागले जनाएको छ ।
