काठमाडौं । सरकारले पूर्वपदाधिकारीहरूलाई कानुनबाहेक दिइएका सुविधा फिर्ता गर्ने भएको छ ।
पूर्वराजनीतिक तथा प्रशासनिक पदाधिकारीहरूलाई कानुनबमोजिम बाहेकका सेवा स्थगन गराउने प्रक्रिया शुक्रबारबाटै अघि बढाइएको हो ।
अर्थ मन्त्रालयले शुक्रबार रक्षा र गृह मन्त्रालयलाई स्वीकृति मापदण्ड वेगरमा सुविधा खोस्न निर्देशन दिएको हो । त्यस्ता सुविधा स्थगत गर्ने कार्य शीघ्र कार्यान्वयनमा गर्न गराउन पत्राचार गरिएको अर्थ मन्त्रालयले जारी गरेको विज्ञप्तिमा उल्लेख छ ।
