महानगर प्रहरीको काम सिनेमा हेरेजस्तो : बालेन्द्र साह

भाद्र १४, २०८२ |कान्तिपुर टीभी संवाददाता
महानगर प्रहरीको काम सिनेमा हेरेजस्तो : बालेन्द्र साह

काठमाडौं । काठमाडौं महानगरपालिकाका मेयर बालेन्द्र साहले महानगर प्रहरीको काम सिनेमा हेरेजस्तो लाग्ने गरेको बताउनुभएको छ ।

३३औँ महानगर प्रहरी दिवसको अवसरमा शनिबार काठमाडौंमा आयोजित कार्यक्रममा उहाँल यस्तो बताउनुभएको हो । उहाँले सानोमा आफूले हलिउड फिल्म हेर्दाखेरी सिटी पुलिसले गरेको जस्तो काम अहिले काठमाडौं महानगर प्रहरीले गरिरहेको बताउनु भयो । 

फिल्ममा देखाइएको काम रियलमा हुनु खुसीको कुरा भएको उहाँले बताउनु भयो । उहाँले काठमाडौं महानगरबाट धेरै पालिकाहरूले काम गर्ने शैली सिक्न खोजेको पनि बताउनु भयो । 

त्यसमा महानगर प्रहरीको ठूलो योगदान रहेको उहाँको भनाइ छ । काठमाडौं महानगरपलिका भित्रका सार्वजानिक सम्पत्कोत्ति संरक्षण गर्ने, अतिक्रमण हटाउने, महानगरपालिकामा सुशासन, सुव्यवस्था, अनुगमन गर्ने कामहरूमा नगरप्रहरीको महत्वपूर्ण भुमिका रहेको उहाँले बताउनु भयो ।

उहाँले महानगर प्रहरी आगामी दिनमा पनि अन्य सिटी प्रहरी र स्थानीय तहका सरकारहरूको लागि सिकाइको रूपमा रहने विश्वास व्यक्त गर्नुभयो । 


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.