प्रधानसेनापतिको आग्रह : विश्वास गर्नुस्, द्रूतमार्गको काम समयमै सकिन्छ

काठमाडौं । प्रधानसेनापति अशोकराज सिग्देलले काठमाडौं-तराई/मधेस द्रुतमार्गको काम समयमै सक्ने प्रतिवद्धता जनाउनुभएको छ ।

आज सिंहदरबारमा रक्षा मन्त्रालय अन्तर्गतका राष्ट्रिय गौरवको आयोजनाहरुको कार्यान्वयन प्रगति अवस्था, समस्या, समस्या समाधानका लागि भएका प्रयासबारे संघीयता सबलीकरण तथा राष्ट्रिय सरोकार समितिमा छलफल भएको हो । जसमा सांसदहरुले उठाएका प्रश्नको जवाफ दिँदै उहाँले नेपाली सेनाले समयमै काम सम्पन्न गर्छ भन्ने विश्वासका साथ बस्न आग्रह गर्नुभयो । उहाँले २०८३ को चैतसम्म सक्नुपर्ने दायित्व रहेको र अझै पनि काम सक्ने विश्वास रहेको बताउनु भयो । प्रधानसेनापति राणाले अब बनाउनुपर्ने कामहरु छिटो सकिने किसिमका रहेकाले द्रुत गतिमा काम अघि बढ्ने बताउनु भयो ।

प्रधानसेनापति सिग्देलले फास्ट ट्रयाक बाहेकका अन्य योजनाहरु खोकनामा नआउने ग्यारेन्टी भए धेरै बाधा स्थानीहरुबाट नहुने बताउनु भयो । अहिले बनेका संरचनाले धेरै हदसम्म प्राकृतिक विपद्बाट सुरक्षित रहेको बताउनु भयो । ठेकेदारहरुबाट समयमा काम नभएको समस्या रहेको पनि गुनासो गर्नुभयो ।