गोरखा । भिरबाट खसेको ढुंगा लागेर असार २३ गते घाइते हुनुभएका गोरखाको चुमनुब्री गाउँपालिका-६ चुम्चेतका ङुइटुप लामालाई बुधबार हेलिकप्टरबाट थप उपचारका लागि काठमाडौं ल्याइएकाे छ ।
छेकम्पार जान लाग्दा रेन्जोममा भिरबाट खसेको ढुंगा लागेर खुट्टा भाँचिएको थियो । उनलाई गाउँलेहरूले करिब पाँच घन्टा बोकेर घरमा ल्याएर राखेको थियो । गोरखा क्षेत्र नं १ का सासद राजेन्द्र बजगाईको पहलमा हेलिकप्टरबाट काठमाडौं ल्याइएको स्थानीयले जनाएको छ ।
यो गोरखाको सबैभन्दा दुर्गम गाउँपालिका हो । यातायतको पहुँच समेत छैन् । बिरामीले हेलिकप्टरको भर पर्नुपर्ने अवस्था छ ।
