सिन्धुपाल्चोक । सिन्धुपाल्चोकको चौतारा साँगाचोकगढी नगरपालिकाले आगामी आर्थिक वर्ष २०८२/०८३ का लागि नीति तथा कार्यक्रम र बजेट सार्वजनिक गरेको छ ।
नगरपालिकाले आगामी आर्थिक वर्षका लागि १ अर्ब १६ करोड २८ लाख रुपैयाँको बजेट नगर सभामा पेश गरेको हो । बजेटमा कृषि, पर्यटन, पूर्वाधार निर्माण, शिक्षा र स्वास्थ्यलाई प्राथमिकता दिइएको छ ।
त्यस्तै बाह्रबिसे नगरपालिकाले पनि ६० करोड ३३ लाख ८४ हजार ४८३ रुपियाँको बजेट नगर सभामा पेश गरेको छ ।
भौतिक पूर्वाधार, शिक्षा, स्वास्थ्य, स्वरोजगार, कृषि पशुपालन, पर्यटकीय प्रवर्धन, बाँझो जमीनमा एकीकृत खेती प्रणाली, दलित समुदायको ज्ञान सीपमा आधुनिकीकरणलगायत क्षेत्रमा दिगो विकासको अवधारणाका साथ काम गर्ने नीति लिइएको छ । नागरिकको आर्थिक हैसियत बढाउने, स्वरोजगार हुन सक्ने क्षेत्रमा बजेटले प्राथमिकता पाएको छ ।
